Германскиот централен бек, Антонио Ридигер, потпиша до 30 јуни 2027 година, потврди Реал Мадрид.
Жозе Мурињо продолжува да го крои тимот за наредната сезона, покрај новите засилувања, кралскиот клуб ги продолжува договорите со играчите кои треба да бидат клучен дел од составот на Португалецот.
„Специјалниот“ даде зелено светло за нов договор на Антонио Ридигер, Германецот и во новата сезона ќе биде важен дел од дефанзивата на шпанскиот гигант.
„Реал Мадрид и Ридигер се сложија за продолжување на договорот на нашиот фудбалер, според кој ќе остане во клубот до 30 јуни 2027“, стои во соопштението на кралскиот клуб.
Претходно Реал Мадрид го потврди трансферот на Марк Кукуреља од Челси, а наскоро се очекува клубот официјално да ги објави и ангажманите на Ибрахима Конате и Дензел Думфрис.
✍️ @ToniRuediger pic.twitter.com/K9qcSQ6d7A
— Real Madrid C.F. (@realmadrid) June 16, 2026