Зенит ја освои својата 11-та титула во руската Премиер лига, завршувајќи ја сезоната на првото место пред Краснодар по драматична завршница.
Фудбалерите на Зенит повторно се крунисани за шампиони на Русија, откако во последното коло од Премиер лигата успеаја да го задржат првото место и да стигнат до нова титула. Клубот од Санкт Петербург го совлада Ростов на гостински терен со минимални 1:0, а победникот беше решен уште во 14. минута од натпреварот.
Единствениот гол на средбата го постигна Александар Соболев од белата точка, по невнимателниот потег на Миронов, кој сосема непотребно го повлече противничкиот играч во шеснаесетникот, иако топката не беше ни блиску до нив.
Зенит ја заврши сезоната со 68 бодови, оставајќи го Краснодар зад себе. И покрај победата над Оренбург со 3:0, Краснодар остана краток во шампионската трка. За Краснодар погодија Ленини, Џон Кордоба и Едуард Сперцјан, но тоа не беше доволно да ја одбранат титулата освоена минатата сезона.
Се чинеше дека Краснодар ќе успее да дојде до втора последователна круна, но поразот од Динамо Москва во претпоследното коло целосно ја промени ситуацијата на табелата. Тогаш Зенит го презеде првото место со победа против Сочи и во последните 90 минути не дозволи изненадување.
Ова е вкупно 11-та титула за клубот од Санкт Петербург од осамостојувањето на државата, со што Зенит стана најтрофеен клуб во историјата на домашното првенство, пред Спартак Москва кој десет пати го освојувал шампионатот.
Izvori
- Gotovo je: Zenit šampion Rusije — Arena Sport