Македонските претставници во квалификациите од Конференциската лига, Силекс и Шкендија денеска ги добија своите противници за првото коло.
Силекс за противник го доби поранешниот белоруски шампион, Динамо Минск. Првиот натпревар го игра на гостински терен, а реваншот е во Скопје.
Шкендија ќе игра против тимот на Европа од Гибралтар, а исто така на првата средба ќе биде гостин, додека реваншот го игра дома.
Првите натпревари се играат на 9 јули, додека реваншите се закажани за 16 јули.