Женскиот ракометен клуб Црвена звезда го потврди ангажманот на македонската голманка, Јована Мицевска.
Црвена звезда денеска претстави неколку засилувања, а меѓу нив е и нашата голманка Јована Мицевска.
Црвено-белите имаат амбициозен проект, не целат само кон доминација во домашното првенство, туку сакаат да направат исчекор и во европските натпреварувања.
За македонската голманка ова е прв ангажман по епизодата во Слатина од Романија, а во изминатиот период направи пауза откако на пролет стана мајка и сега се враќа на терените. Претходно го носеше дресот уште на Вардар и Ница.
Исто така беше и стандардна репрезнетативка на Македонија и настапи на Европските првенства во 2022 и 2024 година.
