Фудбал

Чуамени удри детенце со топка, Реал му го исполни сонот, а Мбапе го „пецна“ соиграчот: Тој е виновен, не знае да шутира (ВИДЕО)

Чуамени удри детенце со топка, Реал му го исполни сонот, а Мбапе го „пецна“ соиграчот: Тој е виновен, не знае да шутира (ВИДЕО)

Четиригодишен навивач на Расинг доби топка во лице по ударот на Орелиен Чуамени на натпреварот против Реал Мадрид. По завршувањето на средбата, момчето имаше можност да се запознае со фудбалерите, а Килијан Мбапе се пошегува на сметка на својот соиграч.

Реал Мадрид вчера славеше убедлива победа од 3-0 на гостувањето кај Расинг Сантандер, на стадионот „Ел Сардинеро“. Во текот на натпреварот, Чуамени се обиде да постигне гол со удар од работ на шеснаесетникот, но топката заврши високо над голот и го погоди момчето кое седеше во долниот дел од трибината.

По натпреварот, од Реал Мадрид во знак на извинување ги покани момчето и неговиот татко за да се запознаат со фудбалерите. Прв до него пристигнал токму Чуамени, кој му подари дрес со свој потпис.

Во тие моменти момчето го забележа и Мбапе, а францускиот напаѓач веднаш му пријде прашувајќи го дали е добро, а потоа и се пошегува на сметка на својот соиграч.

„Чуамени е виновен, нели? Чуамени не знае да шутира“, искоментира Мбапе низ шега, по што се фотографираше со момчето и неговиот татко.