Клуб кој го подигна трофејот и кој играше и во Лигата на шампионите, не успеа да ги покрие трошоците и официјално престанува со работа.
Славниот португалски клуб Боависта ќе престане со работа откако не успеа да ги депонира средствата потребни за покривање на тековните трошоци на клубот за јуни на сметката за несолвентност на доверителите, објави стечајниот управник.
„Бидејќи условите утврдени од собранието на доверители за континуирано работење на несолвентниот субјект се целосно неисполенти, на 15 јули, во 15:30 часот, стечајниот управник ќе ја спроведе одлуката, продолжувајќи со затворање на објектот на несолвентниот субјект и прекинувајќи ги сите активности што ги спроведува Боависта“, објави Марија Кларис Барос.
Клубот е во длабоки финансиски тешкотии веќе неколку години, уште од испаѓањето во пониските лиги во 2008 година по скандалот со корупција „Апито Финале“.
Тимот од Порто се врати во првата лига, но катастрофалната соработка со францускиот инвеститор Жерар Лопез само ги влоши административните и финансиските проблеми што го погодија клубот.
Боависта испадна од Примеира Лига во сезоната 2024/25 и требаше да игра во втората лига минатата сезона, но нивната регистрација беше одбиена за да игра во Лига 2 или Лига 3.
Тие завршија во окружната лига на Порто, но одиграа само три натпревари пред да испаднат од дивизијата во време кога им беше забрането да потпишуваат нови играчи.
Стадионот „Беса“ на клубот беше ставен на аукција, но процесот беше вратен на претходната состојба кога ликвидаторот за несолвентност успеа да склучи договор со многуте доверители на институцијата.
Главната навивачка група на клубот, „Пантерас Неграс“, го нарече ова најмрачниот ден во историјата на клубот.
Боависта е формиран на 1. август 1903 година во западниот дел од градот Порто од двајцата англиски браќа, Хари и Дик Лоу. Ја освоија единствената титула во сезоната 2000/01 година со најдобрата генерација на клубот. Играа и во Лигата на шампионите три пати, како и 12 пати во Лигата на Европа (Куп на УЕФА). Стигнаа и до полуфиналето во Купот на УЕФА во сезоната 2002-03, што е нив најголем европски успех.