Реклама
Arena Sport
Фудбал

Роналдо му испрати емотивна порака на Хвича: Најдоброто допрва доаѓа

Роналдо му испрати емотивна порака на Хвича: Најдоброто допрва доаѓа

Португалската ѕвезда му даде поддршка на грузискиот репрезентативец по тешката повреда на коленото, која може да го оддалечи од терените до крајот на сезоната.

Кристијано Роналдо испрати емотивна порака до Хвича Кварацхелија по тешката повреда што грузискиот фудбалер ја заработи на натпреварот меѓу Пари Сен Жермен и Барселона во Лигата на шампионите.

Реклама
Arena Sport

Ѕвездата на францускиот шампион го повреди предниот вкрстен лигамент на коленото во победата на ПСЖ од 4:2 над каталонскиот гигант. По медицинските прегледи беше потврдено дека го очекува операција и долг период на рехабилитација, поради што постои сериозна можност да го пропушти остатокот од сезоната.

Кварацхелија тешко ја прифати веста за повредата, а преку социјалните мрежи ги сподели своите емоции и разочарувањето од несреќниот момент. Неговата објава привлече големо внимание, а меѓу оние што му испратија поддршка беше и Кристијано Роналдо, неговиот детски идол.

„Понекогаш најтешките битки во фудбалот се оние што никој не ги гледа. Знам какво е тоа чувство, Квара. Но, никогаш не заборавај што те донесе дотука и не дозволувај еден тежок момент да те натера да се сомневаш колку далеку можеш да стигнеш. Чувај го пламенот во себе. Најдоброто допрва доаѓа“, порача Роналдо.

Пораката од португалскиот ас сигурно ќе му значи на грузискиот фудбалер во периодот што следува, во кој ќе мора да се фокусира на закрепнувањето и враќањето во натпреварувачка форма.

Кварацхелија во изминатите сезони се наметна како еден од најквалитетните офанзивни фудбалери во Европа, а поддршката од неговиот идол е уште еден потсетник дека и најголемите ѕвезди се соочуваат со тешки моменти во кариерата.

Реклама
Arena Sport