Македонската таеквондистка Милјана Рељиќ не успеа да се пласира во полуфиналето на Медитеранските игри во Таранто и остана без можност да се бори за медал.
Рељиќ, која настапува во категоријата до 57 килограми, претходно утринава оствари победа во осминафиналето и со оптимизам го дочека четвртфиналниот дуел.
Сепак, во борбата за пласман меѓу најдобрите четири, македонската претставничка беше поразена од Тунижанката Шаима Тоуми со убедливи 2:0.
Со овој пораз, Рељиќ ги завршува настапите на Медитеранските игри без пласман во борбите за медал.
Претходно денеска настапот на Медитеранските игри го заврши и Христијан Симоновски, кој беше елиминиран во осминафиналето.