18-годишниот фудбалер мораше да го напушти мечот во првиот дел, а веднаш бил пренесен во болница поради здравствени потешкотии.
Младиот фудбалер на Борусија Дортмунд, Константинос Карецас, мораше да го напушти теренот на натпреварот против Виљареал во Лигата на шампионите поради здравствени проблеми.
18-годишниот грчки репрезентативец почувствувал проблеми со циркулацијата во текот на првото полувреме, по што побарал медицинска помош. Карецас потоа беше изнесен од теренот на носилки и не можеше да го продолжи натпреварот.
Од Борусија Дортмунд потврдија дека станува збор за проблем со циркулацијата и дека фудбалерот бил пренесен во болница за дополнителни прегледи.
„Константинос Карецас мораше да го напушти теренот во натпреварот против Вилјареал поради проблеми со циркулацијата. Коста, имајќи ги предвид околностите, се чувствува добро и е на пат кон болницата за дополнителни прегледи“, соопшти германскиот клуб.
Карецас важи за еден од најголемите таленти на грчкиот фудбал, а неговиот настап против Вилјареал беше прекинат во раната фаза од натпреварот.
Повеќе детали се очекуваат по лекарските прегледи.