Во вторник Реал Мадрид го пречекува Интер во меч од Лигата на шампионите, а Жозе Мурињо се соочува со големи проблеми за овој дуел.
Арда Ѓулер, Едуардо Камавинга и Бернардо Силва немаат право да играат порази суспензиите кои ги имаат од минатата сезона.
Орелиен Чуамени се уште не е 100 проценти подготвен и неговиот настап за во вторник е неизвесен.
„Не знам дали Чуамени воопшто ќе биде подготвен за Интер. Ќе имаме проблем во средниот ред поради суспензиите на Ѓулер, Бернардо Силва и Камавинга. Практично, Валверде ќе биде единствениот првотимец од средниот ред кој ни е на располагање. Имаме голем проблем кој мора да го решиме“, изјави Мурињо.
Едно од решенијата може да биде повлекување на Белингем поназад во средниот ред, во средината може да биде прекомандуван и Трент Александер-Арнолд, па дури и Хујсен би можел да игра како дефанзивен играч за врска.
Како и да е, Мурињо ќе мора да прави импровизации во тој дел од теренот или со фудбалери на кои тоа не им е природна позиција или со млади играчи.