МЗТ Скопје со трофеј ја почна новата сезона, актуелниот шампион на Македонија со 70-68 го победи Куманово и шести пат по ред го освои Суперкупот.
Натпреварот беше неизвесен речиси во целиот тек. По првите 10 минути МЗТ Скопје водеше со 22-21, а на одморот замина со предност од 39-37.
Брзо во третиот период Куманото направи пресврт и поведе со 43-41, но следуваше серија на МЗТ Скопје од 10-0, со која стигна до убедлива предност од 51-43.
Во последниот период МЗТ Скопје влезе со водство од 58-51, но Куманово не се предаде, мечот влезе во неизвесна завршница која траеше до самиот крај, шампионот победи со 70-68.
Најдобар кај МЗТ Скопје беше Ноа Фаракан со 20 поени, во составот на Куманово Бојан Стајиќ постигна 16 поени.