Женската одбојкарска репрезентација на Македонија претрпе уште еден убедлив пораз во Европската лига, во СЦ „Борис Трајковски“ загубивме со 0-3 (15-25, 10-25, 10-25) од Словенија.
Нашите одбојкарки добро влегоа во мечот, имаа водство од 12-10, но Словенија направи неверојатна серија и го доби сетот со 25-15.
Во следните два сета не успеавме да пружиме позначаен отпор, Словенките рутински ги добија со по 25-10.
Ана Фасулева со седум поени и Андротеа Милевска со шест поени беа најефикасни во селекцијата на Македонија.
Настапот во Европската лига го завршивме со шест порази од исто толку натпревари.