Кошарка

Голема чест: Македонски репрезентативец е МВП на колото во Евролигата!

Голема чест: Македонски репрезентативец е МВП на колото во Евролигата!

Македонскиот репрезентативец блескаше во дресот на Валенсија и го подели признанието за најкорисен играч во седмото коло со Зек Ледеј од Хапоел Тел Авив.

Ти Џеј Шортс продолжува да блеска на европската кошаркарска сцена. Македонскиот репрезентативец беше прогласен за ко-МВП на седмото коло во Евролигата, откако одигра фантастичен натпревар во победата на Валенсија над неговиот поранешен клуб Париз со 104-93.

Американскиот плејмејкер, кој настапува за македонската репрезентација, беше еден од најзаслужните за триумфот на шпанскиот тим, завршувајќи го натпреварот со 25 поени и девет асистенции. Неговиот учинок му донесе индекс на корисност од 33, доволен за највисокото индивидуално признание во колото.

Шортс го подели признанието со Зек Ледеј од Хапоел Тел Авив, кој исто така забележа индекс на корисност од 33 во победата над Виртус Болоња со 90-81.

Американскиот кошаркар беше одличен во дресот на израелскиот клуб, постигнувајќи 22 поени и 10 скока, со што оствари дабл-дабл учинок и го предводеше својот тим до важен триумф.

За Шортс ова е уште едно големо индивидуално признание во Евролигата, каде што продолжува да го потврдува својот квалитет и да биде еден од клучните играчи на Валенсија.