Англискиот напаѓач блесна на дебито за Ал Хилал, но неговата проценка за квалитетот на саудискиот фудбал предизвика бројни коментари во Англија.
Оли Воткинс имаше деби од соништата во дресот на Ал Хилал, постигнувајќи гол во убедливата победа од 3:0 против Ал Ахли. Сепак, по натпреварот вниманието не беше насочено само кон неговиот погодок, туку и кон изјавата со која го спореди квалитетот на Саудиската Про лига со англиската Премиер лига.
„Искрено, нивото што го видов денес беше на ниво на Премиер лигата. Натпреварот беше физички, бараше многу, а квалитетот беше исклучително висок“, изјави Воткинс по својот прв настап во Саудиска Арабија.
Неговите зборови веднаш предизвикаа реакции во Англија, особено имајќи предвид дека 30-годишниот напаѓач до неодамна настапуваше токму во Премиер лигата со Астон Вила.
Воткинс летово направи голем трансфер во Ал Хилал, кој за неговите услуги плати околу 51 милион фунти. Англичанецот во новиот клуб пристигна со амбиција да освојува трофеи, а во тимот го очекува друштво на големи имиња.
„Сакав да дојдам овде. Сакам да освојувам трофеи и мислам дека ова е клубот кој ми ја дава најдобрата можност за тоа“, додаде напаѓачот.
За Воткинс, преминот во Ал Хилал доаѓа по успешниот период во Астон Вила, со која минатата сезона ја освои Лигата на Европа. Сега тој ќе се обиде да продолжи со освојување трофеи и во Саудиска Арабија.