По Интер, Лајпциг и Арсенал, и Борусија Дортмунд влегува во трката за потписот на Василије Костов, нудејќи 25 милиони евра за младиот фудбалер на Црвена Звезда.
Младиот фудбалер на Црвена Звезда, Василије Костов, е на мета на неколку европски гиганти, а најновиот интерес доаѓа од Борусија Дортмунд. Според извештаите од Германија, „милионерите“ се подготвени да понудат дури 25 милиони евра за овој талентиран играч од средниот ред, со што би ја надминале конкуренцијата.
Спортскиот директор Оле Брук и тренерот Нико Ковач го гледаат Костов како клучен дел од плановите за подмладување на тимот. Нивната цел е да изградат екипа која ќе може да се натпреварува со Баерн Минхен во наредните сезони. Ковач неодамна изјави дека Борусија можеби нема да може да се бори за титулата веќе следната сезона, но дека ќе го надгради тимот за да биде подготвен за една година.
Генералниот директор на Црвена Звезда, Звездан Терзиќ, претходно истакна дека нема да го продаде Костов за помалку од 20 милиони евра. Сепак, покрај финансискиот аспект, клубот сака да обезбеди и средина каде играчот ќе може да се развива и да добие доволно минутажа.
Борусија Дортмунд со години наназад се покажа како идеална средина за развој на млади таленти, што е докажано преку играчи како Ерлинг Халанд, Џуд Белингем, Осман Дембеле и Џејдон Санчо. Ова би можело да биде одлучувачки фактор за Костов при изборот на неговата следна дестинација.
Izvori
- “Milioneri” nacijali Kostova, Zvezdi se smeše milioni — Arena Sport