Фудбалската селекција на Босна и Херцеговина вечерва има решавачки предизвик против Катар на Светското првенство, а триумфот речиси сигурно значи пласман во нокаут фазата.
Според анализата на Семир Зилиќ, шансите „змејовите“ да продолжат понатаму со победа се дури 99 проценти. Сепак, постои и мал простор за изненадување.
Доколку Босна и Херцеговина победи со три или повеќе голови разлика, тогаш нема дилеми и пласманот е обезбеден. Ако триумфот биде со два гола разлика, ќе биде доволно да се исполни барем едно од следните сценарија:
- Чешка да избегне пораз од Мексико
- Бразил да ја совлада Шкотска
- Германија да не загуби од Еквадор
- Јапонија да ја победи Шведска
- Египет да остане непоразен против Иран
- Нов Зеланд да освои барем бод против Белгија
- Шпанија да не загуби од Уругвај
- Зеленортските Острови да избегнат пораз од Саудиска Арабија
- Узбекистан да не загуби од Конго
- Гана да ја победи Хрватска
Во случај победата да биде минимална, со еден гол разлика, тогаш ќе треба да се исполнат најмалку три од следните услови:
- Чешка да избегне пораз од Мексико
- Бразил да ја совлада Шкотска
- Австралија да не загуби од Парагвај
- Германија да не загуби од Еквадор
- Јапонија да ја победи Шведска
- Египет да остане непоразен против Иран или Нов Зеланд да освои бод против Белгија
- Шпанија да не загуби од Уругвај или Зеленортските Острови да избегнат пораз од Саудиска Арабија
- Австрија да не загуби од Алжир
- Узбекистан да не загуби од Конго
- Гана да ја победи Хрватска
Иако постојат различни комбинации, суштината е јасна, победа против Катар речиси сигурно ја носи Босна и Херцеговина во следната фаза. Без триумф, шансите исчезнуваат.
Натпреварот се игра вечерва од 21:00 часот во Сиетл.